Os alcaldes de Santa Comba, David Barbeira, e da Baña, José Antonio Pereira asinaban o convenio de colaboración para a prestación do Servicio de Atención Temperá e solicitude á Xunta dunha subvención que garanta a continuidade deste servizo, prestado de maneira conxunta.
Xunto cos alcaldes estiveron na sinatura, a concelleira xalleira de Muller, Maior e Igualdade Blanca Ruzo e a Concelleira de Política Social, emprego, educación, cultura e deporte do Concello da Baña Mónica González.
Segundo o concello xalleiro a demanda deste servizo é “notable”. Desenvólvese nuns locais habilitados na Casa da Cultura de Santa Comba.
