Horas despois do terremoto político que sacudiu as terras pondalianas, coa non aprobación do Plan Único, un dos concelleiros que votou en contra reafirmouse na súa idea:”O causante deste problema é o alcalde, quere agarrase ao sillón, quere cartos e gastalos como lle pete”.
Para o concelleiro “son decisións difíciles pero eu non podo darlle a razón a unha persoa que está xogando cos impostos dos veciños”. Pensa que o que pretende García Carballido é claro:”Él quere poder e cartos. E meter en gasto corriente para facer o que queira”.
Como exemplo da mala xestión que lle atribúe ao alcalde sinalou:”Acaba de perder unha subvención de 110.000 euros do fondo de compensación ambiental, isto é un desastre”.
Entrevista a Faustino Santiago- A partir do minuto 64
Coincide con APIN e co PP en que a única saída é “que se aparte porque ten a corporación en contra. Agora mesmo que marche Carballido é unha necesidade para o pobo”. Incidiu na falta de traballo efectivo do mandatario:”Nin atende ao colexio nin ao concello”.
Faustino Santiago declarou que non saíu contento do salón de plenos. Nin tampouco os seus compañeiros pero “non queremos ser cómplices destas cousas. O alcalde actúa dunha forma ditatorial”.
«Quero pedir disculpas por ter apoiado a este señor»
Tamén critica a postura do PSOE de expulsar a cinco concelleiros sen “ningún tipo de argumento” e pensa que a actitude do partido “deixa moito que desexar”.
Nunha entrevista no programa “Na Encrucillada” de Radio Xallas pediu perdón aos veciños de Ponteceso:”Quero pedir disculpas por ter apoiado a este señor que me enganou o mil por cen”.
