O alcalde de Muxía cualificou de “ambicioso” o plan de obras POS +2021, que enmarcou dentro das distintas melloras proxectadas desde o goberno local. Destaca que a condición de goberno en minoría non impide os avances:”Hai tres persoas que están levando a cabo a labor do concello, dunha maneira moi digna”.
Entrevista Iago Toba- Minuto 29
Investimentos propostos para Muxía
Iago Toba falou de tres eixos dos investimentos do plan de obras. Actuacións de primeira necesidade, como a traída de auga municipal en Morpeguite, Pasantes e Añobres; nos camiños interiores de Morpeguite ou a conexión do saneamento en Labexo e Os Muíños.
Un segundo bloque o define como “gastos de funcionalidade” e o intento de “buscar maquinaria suficiente para poder acondicionar as cunetas durante todo o ano”. E optouse por adquirir unha pala retroexcavadora.
E un terceiro bloque de investimentos, son os referidos ao ocio, coa mellora da área recreativa da “Fonte dos Peidos” en Suxo, ou parques infantís en Senande e Suxo.Ademais haberá melloras nas pistas de pistas de Suxo, Gatarante, Calo, Senande, Trasufre, San Martiño, Merexo, Risamonde, Xanzón ou Castelo.
“Facemos propostas razonables”
O apartado social servirá para aumentar a partida do Servizo de Axuda no Fogar e para axudar a veciñanza que non poida trasladarse para as vacinacións.
Sobre a situación de minoría e o papel da oposición Toba declarou en Radio Xallas:”Nós facemos propostas razonables, viables, realistas e necesarias. A oposición ten que valora se son ou non positivas e votalas ou non votalas. Supoño que o terán que aprobar pero non o sei, depende deles”.