10.2 C
Santa Comba
sábado, noviembre 26, 2022

Aprobada unha moción do PSOE para a ampliación do abastecemento de auga a Grixoa e Armán

A corporación municipal de Santa Comba aprobou unha moción do Partido Socialista para a ampliación do abastecemento de augas a Grixoa e Armán.“Non podemos deixar á xente sen solucionar o problema dos servizos mínimos” dixo Ucha. 

CRÓNICA -PRIMERA PARTE- POS 2021

David Barbeira apoiou a moción, partidario “de darlle auga tanto a Grixoa como a Armán” pero recriminoulle ao portavoz do PSOE que “non o metera no Plan de obras que fixo vostede”.

Acordos adoptados no pleno

A proposta socialista consistiu nos seguintes acordos:

– Que se aprobe a ampliación da rede de distribución de augas municipal aos núcleos de Grixoa e Armán.

– Que coa finalidade de darlle prioridade as obras se aprobe o carácter de urxencia e se acometan de xeito imediato con cargo os fondos municipais.

-Que se faga unha planificación a gran escala para ampliar a rede de distribucion  de augas municpal a outras zonas deficitarias.

Moción aprobada do PP

O Partido Popular optou pola abstención. María Pose coincidiu que é preciso o abastecemento de auga pero referiuse a “batalla campal” e a “situación caótica” que se vive nesta parroquia e pediu que se “deixen de rencillas” e se arranxen os problemas hai na actualidade.

Cos votos de PP e Compromiso, tamén se aprobou unha moción dos populares en defensa da autonomía financeira en materia tributaria de Galicia. O PSOE abstívose considerando que “este non é o foro adecuado”.

María Pose:”Non se está facendo nada”

Os decretos, rogos e preguntas ocuparon o treito final do pleno. María Pose(PP) criticou a acción do goberno:”No concello de Santa Comba non se está facendo nada”. Criticou o gasto de 1.500 euros nun spot da TVG “cando non se pode saír das casas”. Coincidiu nas críticas o PSOE.

Campo de fútbol e o soldo do teniente alcalde

Esther Espasandín(PP) interesouse polos gastos do goberno e Silvia Cancela(PP) rogoulle ao portavoz do PSOE que deixara de falar do campo de fútbol porque “é xa un tema cansino”, e díxolle que empregara os seus esforzos noutros temas “porque está cobrando un soldo de 33.000 euros”.

O tema do soldo tamén foi utilizado polo alcalde David Barbeira:”Vostede está cobrando un soldo e apenas dedica tempo ao concello de Santa Comba. Está incumprindo.Póñase a traballar”.

Con respecto ao campo de Fontenla, Ucha díxolle á concelleira do PP:”O campo de fútbol non é seu, é do concello. Eu critico para que as obras queden ben”. E con respecto ao seu salario, aludiu ao pacto de goberno e asegurou que cumpría:”Eu veño prácticamente todos os días e ademais estou localizable”.

Ucha tamén preguntou por gastos dunha viaxe a Madrid e do servizo multimedia.Jéssica Antelo(PSOE) lamentou que tivera que recibir respostas do alcalde a través de Radio Xallas.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,792SeguidoresSeguir
505SuscriptoresSuscribirte

Últimos artigos