Nota de prensa do concello de Santa Comba
Importante demanda no punto de información sobre a Seguridade Social de Santa Comba
O novo Punto de Información sobre a Seguridade Social do concello de Santa Comba cumpriu seis meses prestando o seu servizo na Casa da Cultura xalleira, e cun balance moi positivo.
A importante resposta veciñal, con máis de trinta usuarios durante cada xornada de atención, avala a importancia deste punto, atendido por dúas empregadas públicas municipais, tódolos luns de 9 a 14h.As persoas que se achegan a este servizo, son na súa grande maioría veciños do concello de Santa Comba, ainda que tamén se reciben visitas doutros municipios.
A información e as xestións que solicitan son variadas, desde unha solicitude de pensión de xubilación ou ingreso mínimo vital, ata un cambio de conta, informes de vida laboral, ou prestación de maternidade. O punto de información conta co asesoramento e respaldo da dirección provincial do I.N.S.S.
O alcalde de Santa Comba, David Barbeira, valorou a demanda existente:”Había unha inquedanza pola perda dun servizo, e desde o concello fixemos un esforzo para crear este punto, e polo tanto a valoración é moi positiva e a satisfacción máxima”.
