Este luns rexistrouse un accidente múltiple na estrada de Santa Comba a Portomouro, na zona do Alto do Pau Fito. Por fortuna, non houbo feridos, segundo confirmaron desde o servizo municipal de Protección Civil de Santa Comba, que xunto con efectivos da agrupación de Val do Dubra, acudiron o punto do sinistro, para prestar axuda.
Houbo retencións de tráfico. Desde Protección Civil encargáronse da regulación do mesmo. Dúas patrullas da Garda Civil de Tráfico e o operarios do servizo de mantemento de vías tamén se achegaron ata este punto, nun día que comezou cunhas baixas temperaturas, que segundo Meteogalicia continuarán no día de mañá.
