Un ano despois, en San Salvador e Grixoa de Esternande seguen reclamando melloras na estrada. Onte luns 4 de xaneiro conmemoraron o primeiro aniversario da manifestación reivindicativa que percorreu as rúas de Santa Comba, lembrando que as súas peticións seguen vixentes.
Un grupo de veciños xuntouse preto da estrada, nun acto simbólico, para recalcar que “esperamos unha pronta solución axeitada”, agradecendo os apoios que recibiron naquela acción reivindicativa e aclarando que a pandemia evitou novas mobilizacións. Pero non se descartan novas iniciativas se non hai avances.
“Excusas moitas, feitos poucos ou ningún” declaraba en Radio Xallas, un dos portavoces veciñais, José Manuel Nieto “Mani”, insistindo que “os políticos de turno prometeron arranxar a nosa corredoira”, o que “non é un capricho, estamos ante algo de primeira necesidade”.
.jpg)
