As voces poéticas de Regina Muñiz, Tania Yáñez, Teresa Ríos e Adolfina Mesa protagonizaron o especial de Noiteboa e Nadal de Radio Xallas. Un programa, conducido por Xosé Manuel Lema, onde estas catro mulleres tomaron a palabra.
Non faltou o habitual saúdo e unha pequena interpretación de Christian Pensado. Nesta ocasión o acompañamento musical elexido foi unha popular canción de Mariah Carey, a “Cantiga de Nadal” de Berrogüetto e a canción “O Teu Nadal”, composta por Samuel Bugía e na que participan diversos intérpretes de Galicia. Este é o podcast do programa.
