O alcalde:”A veciñanza de Muxía non vai quedar sen Nadal”
O alcalde, Iago Toba, falou no programa “Na Encrucillada” de Radio Xallas sobre un ano difícil tanto a nivel político como sanitario: “Foi un ano complicado.Tiven un poquiño de todo pero a base do lombo apréndese”.
Con respecto a crise do coronavirus, salientou o “criterio de responsabilidade” que rexe a actuación municipal, destacando as accións e axudas promovidas para “paliar a situación” se ben agarda que chegue a vacina para achegar unha solución.
Escoita a entrevista con Iago Toba desde o minuto 27
Con todo isto, Toba aposta por impulsar actividades neste Nadal:”Dar unha ausencia total de maxia é perxudicial. Vimos arrastrando esta situacion desde fai meses. Hai que dar alicientes a xente. Estas datas son distintas pero é o Nadal, con toda a súa carga simbólica. E a veciñanza de Muxía non vai a quedar sen Nadal”.
O vindeiro luns, efectivos de Protección Civil e da Policía Local acenderán unha árbore de dez metros de altura, con dez aros luminosos que simbolizan os dez meses que levamos coa nova situación.
Na súa intervención, agradeceu públicamente o traballo non renumerado que están realizando os concelleiros Olalla Benlloch e Javier Romar. Lamentou en cambio que haxa unha concelleira que abandonou o goberno que siga tendo unha adicación económica municipal.
