Unha muller foi rescatada a pasada noite, sen vida, do interior dun pozo no lugar de Añobres, na parroquia de Moraime en Muxía.Despois de ser alertados por parte do CIAE 112 Galicia e co requerimento da autoridade xudicial, os bombeiros da Costa da Morte procederon a extracción do corpo, coa colaboración de efectivos ve Protección Civil de Muxía.
Segundo Protección Civil «a intervención foi laboriosa e complexa dadas as dificultades de acceso e espazo». Segundo o 112 foi un particular quen deu a voz de alarma informando que «unha muller atopábase nun pozo a uns sete metros de profundidade, posiblemente, falecida».
Tamén participaron no operativo axentes da Policía xudicial, Garda Civil e da Policía Local así como efectivos do 061.O suceso tivo luigar sobre as 21:30 deste sábado.
Foto- AVPC Muxía
