A ANPA do colexio Bormoio da Agualada, en Coristanco, expresou o interese por poder reunirse co xefe territorial de Educación, Indalecio Cabana para poder trasladarlle distintas inquedanzas. Unha petición que veñen formulando desde o pasado mes de setembro.
Entre elas piden a adaptación o posto dun mestre cunha discapacidade auditiva e “a necesidade de tapabocas transparente para os alumnos da clase da que é titor”.
Tamén queren a intercesión coa Consellería de Infraestruturas “pois despois de catro meses segue sen responder os escritos presentados para informarnos de por que é incompatible a xornada única co transporte, que nos explique a negativa a solicitude de cambios de horario solicitado o curso pasado, a negativa non a entendemos, pois nos meses de xuño e de setembro o transporte fai as mesmas rutas”.
Outras demandas que queren expor son a necesidade de mamparas e a aclaración de “dúbidas e discrepancias”.
Foto- Web Por el clima
