O portavoz de Terra Galega no concello de Coristanco, Amancio Lavandeira, xustificou a iniciativa de presentar unha moción coas obras do POS 2021, entre Tega, PSOE, BNG e AVLC porque “queremos o mellor para os veciños” e pola “inacción” do alcalde Juan Carlos García Pose, que “non iniciou ningún tipo de acercamento nin xuntanza con ningún voceiro da oposicion” para o devandito plan.
A moción foi respaldada polo PP e por Contigo Somos Democracia. Lavandeira sitúa a Abraham Gerpe como parte do goberno: “O goberno bipartito do PP e Abraham Gerpe están a expensas do que propón a oposición. Estamos marcando as liñas de traballo do concello”.
Entrevista a Amancio Lavandeira- Desde minuto 18
Sobre a valoración positiva que fai o alcalde do que leva de xestión, Lavandeira precisou que “grazas a gran labor que fixemos, deixamos un concello saneado. Este alcalde recibiu un concello con superavit, con diñeiro e con preto de tres millóns de euros en obras que xa estaban deseñadas”.
O líder de Terra Galega ten claro que o goberno de Coristanco “está vivindo de rentas, da herdanza que se lle deixou”. Calificou de “éxito” que a oposición apostara polas obras seleccionadas, que son as seguintes:
1.- Proxecto de humanización da travesía de San Roque: PLan de humanización desde a rotonda de Carrefour ata a rotonda de Sta Comba, coa colocación de bancos, xardineiras, pepeleiras, arbolado decorativo (prunus, acer, ginkgo ..), paso de peóns máis seguros, sinalización, axardinado das rotondas e zonas verdes, etc.
2.- Pavimentación con aglomerado en quente e aceras e pluviais na zona de Feira Nova: pavimentación desde a C-552 ata a DP-2901, pasando por diante da escola Fonteboa, a unitaria da Feira Nova, e o ramal ata Pontepequena. Colocación de aceras e ampliación do firme do ramal que pasa por diante da escola unitaria e Fonteboa.
3.- Aceras e pluviais na Rabadeira: Construcción de aceras desde a pista que vai a Nogueira ate a derradeira casa da Rabadeira en sentido Sta Comba. ditas aceras serán por ámolos dous laterais, coa colocación de puntos de luz en todo o trazado.
4.- Senda peonil Rabadeira a Seavia: 1º tramo da senda peonil da Rabadeira a Seavia.
5. – Aceras do Pinariño ata a igrexa de Xaviña: Pluviais e aceras desde o final das aceras da Lagoa ata a igrexa de Xaviña.
6.- Aceras desde a rotonda de Carrefour ata Oca. Construcción de aceras e pluviais desde a rotonda da C-552 á altura de Carrefour ata Oca, cos correspondentes puntos de luz.
7.- Aceras desde a zona da Torre en Silván Ata o lugar de A Braña., por ambos laterais.
8. – Ampliación e adecentamento e pavimentación con aglomerado en quente da carretera que vai desde a DP-2901, ate a área recreativa da Rocheira.
9. – Adecentamento do camiño desde Vilaverde a Pontedona
10. – Mellora da captación auga de Rabadeira e Nogueira, e a auga de Valenza