Membros da actual directiva de Protección Civil de Ponteceso, encabezada polo seu presidente Modesto Parga, denuncian “a precariedade total actual da Agrupación ó serlle retirados polo Alcalde os vehículos destinados ás emerxencias e demáis servicios”.
Lembran que a agrupación “realizou máis de 5000 horas de servizo ós veciños no último ano” ante problemas como o da crise da auga de Corme ou durante o confinamento pola COVID 19, con distintos servizos e “arriesgando en puntos e viviendas que estaban a sufrir o maldito virus ,repartíndolle comida, farmacia , e todo aquelo que precisaron”.
Sobre o voluntario Lois García Carballido
Un esforzo dos voluntarios que valora Modesto Parga. Aínda que o agradecemento non é para todos:”Non podo dicir o mesmo do voluntario Lois Carballido , por que no primeiro operativo do Covid 19 ,acordado na xuntanza do Gabinete de Crisis el e máis a voluntaria Noelia Varela , non se presentaron a facer o servizo ,demostrando que nada lle importaba a salud dos vecinos,solo se escondían detrás da pantalla do ordenador con mascarilla , pero si buscando a foto para o día siguiente”.
Pensa que a “drástica medida” de retirar os vehículos “imposibilita a labor prestada pola Agrupación ós veciños” que “máis que nunca precisan nestes momentos de repunte da pandemia”.
Ademais opina que a decisión de García Carballido é porque na directiva de Protección Civil hai concelleiros críticos coa súa xestión polo que está “extendendo ó problema no Concello directamente ós veciños”.
