O concello da Laracha continúa durante este mes de outubro coas actividades do “Outono de Contos”. Este mes xa se representaron “Estrafalaria” de Xarope Tulú e “O Xigante” de Elefante Elegante.
Este vindeiro mércores,14 de outubro, na biblioteca de Paiosaco, ás 18,00h, Teatro Calavera escenificará “Os Contos da bruxa Chispún”. O venres a cita será na biblioteca da Laracha(18,00h) con “Cantacontos” de Migallas Teatro.
O martes 20 de outubro, Títeres Alakrán presentará “Os soños da gaiola” en Caión(18,00h).O ciclo rematará o venres 23, coa actuación de Trinketrinke teatro e a obra “Aprendendo a querer”.
