Con respecto a polémica sobre as sondaxes mineiras de Eurobattery, alcalde de Santa Comba, David Barbeira, asegura que está á espera da “documentación acreditativa das accións ou proxecto que poida levar a cabo a empresa”. Explicou que o 17 de outubro de 2019 remitiuse un escrito ao Servizo Provincial de Enerxía e Minase que o pasado venres volveuse e reiterar a petición.
“De non ter coñecemento fidedigno das accións desta empresa pediranse as responsabilidades oportunas” afirmou Barbeira.
O alcalde enviou esta mensaxe aos veciños:“Os veciños e veciñas de Santa Comba e de Castriz en particular poden estar tranquilos no que respecta as actuacións que se leven a cabo dende a alcaldía, no senso que sempre se actuará na defensa dos intereses veciñais, velando polo concello no seu conxunto e esixindo a legalidade e responsabilidade de calquera actuación mineira”.
O pasado venres a asociación Petón do Lobo enviaba escritos tanto a Xunta coma ao propio concello de Santa Comba, pedindo explicacións e a paralización inmediata das actividades da multinacional sueca.