O avogado carballés Daniel Pérez é un dos novos deputados autonómicos que se estrean no Hórreo nesta lexislatura. Considera que “é importantísimo escoitar á xente” e comprometeuse a “estar atento a todas as demandas da Costa da Morte e Bergantiños”.
Daniel Pérez- Entrevista Na Encrucillada desde o minuto 33
Porque o seu obxectivo é “ser unha caixa de resonancia das demandas que haxa na zona”. Afronta esta “gran responsabilidade” con “moitísimas gañas e ilusión”.
Neste tempo xa acompañou a voceira nacionalista Ana Pontón a unha visita á Cee onde se reuniu cos representantes do comité de empresa de XEAL(antiga Ferroatlántica.
Pérez confesa que é un tema que lle preocupa “moito” e que os traballadores teñen “reivindicacións xustas e necesarias”. Afirma que un dos obxectivos do BNG é “non deixar que se perda nin un só posto de traballo”.
Asegurou que o Bloque tivo un comportamento “leal” durante os meses máis críticos da pandemia, pero lamentou “o inicio de curso caótico e desastroso que é responsabilidade directa da consellería de Educación” ou a falta de previsión da consellería de Sanidade.
Tamén se referiu o caso de Carballo, onde o BNG como “forza transformadora” convertiu “un Carballo que era gris, nun Carballo vivo” cambiando “a maneira de entender a política” ao ser “un goberno accesible”.
