Falan de perda de confianza pola falta de información e as decisións unilaterais do alcalde socialista de Ponteceso.
“Iso non é equipo nin é xogo limpo así que por favor dimita e deíxenos traballar coa ilusión a a verdadeira paixón que Ponteceso merece”. Os seis concelleiros do grupo municipal socialista críticos coa xestión do alcalde xa non andan con medias tintas e piden a renuncia do mandatario.
Non queren ser cómplices
“O señor alcalde desde o seu posto e como responsable non debe eludir o seu compromiso co proxecto político que dixo ter no seu día para o noso pobo, debe explicar aos veciños e veciñas a realidade das súas verbas e a que lle chama paixón. Porque se o proxecto é arruinar Ponteceso e a paixón a falta de información e as decisións unilaterais, nós nunca seremos cómplices diso”.
Pérdida de confianza en Carballido
Este grupo de concelleiros pídelle a Lois García “que non lle minta os veciños e veciñas que confiaron en vostede ao igual que fixemos nós no seu día, creendo que vostede gobernaría con humildade, transparencia e boa fe, pero encargouse de que perdésemos a confianza ao darnos conta de que o que menos lle importa é o benestar dos veciños…. as victorias son súas pero cando hai problemas é culpa dos demais”.
