A maior parte dos membros do goberno do PSOE de Ponteceso non oculta a súa falta de sintonía co alcalde, Lois García Carballido, e é máis, sinala que “o diálogo entre o grupo de goberno pontecesán é inexistente”.
Estes concelleiros afirman que “o alcalde mantén a postura de desinformacion cos seus concelleiros e segue tomando as decisions unilateralmente e sen ningún tipo de diálogo”.
Recrimínanlle ao alcalde a convocatoria dunha xuntanza de militantes para tratar sobre os asuntos do pleno deste venres “sen contar cos concelleiros que son os que teñen o voto e cos que ten que manter o diálogo para levar a cabo o seu proxecto político”.
E fan referencia a un dos asuntos deste pleno, un recoñecemento extraxudicial de crédito para o pago de facturas pendentes por un importe de aproximadamente 300.000 euros:
“O señor Carballido anuncia que a sua prioridade e pagarlle ás empresas locais pero omite que conlevan informes en contra .Esto deixa entrever a mala xestion, e que non existe ningun tipo de planificacion de gasto , o cal está levando a situación economica do concello a ruina, da cal non queremos ser cómplices”.
