8.7 C
Santa Comba
viernes, noviembre 25, 2022

Camariñas aproba, sen votos en contra, a ordenanza de animais de compañía

O PSOE e un concelleiro do PP votaron a favor. Tres edís do PP  e a concelleira do BNG, Ilva Carril, abstivéronse.

O concello de Camariñas xa ten aprobada inicialmente a ordenanza municipal para a defensa, protección, benestar e tenencia responsable de animais de compañía, que contempla duras sancións ante os incrupimentos.

Segundo lembran desde o concello “a persoa propietaria dun animal é responsable da súa protección e benestar, tendo a obriga de facilitarlles alimentos e auga, proporcionarlles aloxamento suficiente, cómodo e seguro; sometelos a revisións veterinarias precisas e prestarlles todos aqueles tratamentos veterinarios preventivos, paliativos ou de curación que sexan precisos; proporcionarlles o necesario exercicio físico e descanso, así como unha contorna libre de tensión, medo e sufrimento”.

Tamén se prohíbe ”levar soltos nas vías públicas aos cans e demais animais domésticos os cales deben ir provistos de correa e colar, ou outro elemento de retención, excepto naqueles lugares nos que se permita que transiten en liberdade e, en todo caso, baixo o control e responsabilidade dos posuidores ou posuidoras daqueles, tal e como se establece na Ordenanza”.

Sancións administrativas

As sancións administrativas tipificadas como leves, graves e moi graves, van desde a sanción económica de 100 ata os 30.000 euros. Así, e sobre todo en materia de recollida das deposicións dos animais, desde o goberno local incídese na creación da concellaría de Limpeza e Ornato como “acción fundamental para a preservación e conservación dos espazos públicos, de cara tanto á veciñanza como aos potenciais turistas que visitan o noso pobo. Non imos permitir que o comportamento incívico duns poucos non nos permita gozar do Camariñas limpo que a maioría queremos”.

Con carácter xeral, permítese a presenza de cans nas praias do termo municipal. Non obstante, no período comprendido entre o 1 de xuño e o 30 de setembro, queda expresamente prohibido o acceso ás praias de Camelle, Arou, Lingunde, Area da Vila, Lago, Ariño, Pedrosa e Area Grande. 

Entre outras cuestións, no pleno aprobouse unha moción relacionada coa problemática do  I.S.M. de Corcubión, presentada polo BNG, e que foi aprobada por unanimidade.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,792SeguidoresSeguir
505SuscriptoresSuscribirte

Últimos artigos