4.2 C
Santa Comba
sábado, diciembre 3, 2022

A CIG alerta do posible peche do ISM de Corcubión e critica o “servilismo” dos alcaldes socialistas da Costa da Morte que pensan que o servizo está garantido

Declaracións de Manuel Camiño “Na Encrucillada”- Desde o minuto 30-

“O importante é que a continuidade do servizo está garantizada”. Son palabras do alcalde de Corcubión, Manuel Insua, recollidas por El Correo Gallego, en relación ao futuro do centro que o Instituto Social da Mariña ten na Vila de San Marcos.

Unha mensaxe lanzada ós medios de comunicación despois dun encontro entre a Subdelegada do Goberno, Pilar López Rioboo, a directora provincial do ISM, Margarita Pérez e os alcaldes da Costa da Morte. A propia alcaldesa de Cee, Margarita Lamela, indicou desde as redes sociais que “O servizo de recoñecemento médico do ISM de Corcubión non se pecha, nin se privatiza”.

Agárdase poder cubrir a ausencia de médico nos vindeiros meses e non se descartan cambios para adaptar o servizo á demanda.

A CIG estudia mobilizacións ante o descontento do sector 

Todo isto despois dun encontro que mantiveron dirixentes da Confederación Intersindical Galega coa directora do ISM, que segundo os sindicalistas non se garantiu o servizo.

Así o declaraba este venres no programa radiofónico “Na Encrucillada”, Manuel Camiño, que asegura que no encontro “a directora do ISM nos transmite o posible peche do ISM de Corcubión” e tamén da existencia de “presións por parte do sector empresarial para que se privatice o servizo”.

Camiño dixo non entender “o servilismo dos alcaldes socialistas da Costa da Morte” e lamentan que os mandatarios “non esixiran o mantemento” deste centro de saúde marítima sendo “demasiado conformistas”.

Para a CIG “a posible reestruturación pasa polo peche”, lembrando que outro goberno socialista “apostou polo peche de Laxe e Muxía”. Polo tanto, están estudiando mobilizacións xa que “hai un descontento xeralizado no sector”.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,790SeguidoresSeguir
507SuscriptoresSuscribirte

Últimos artigos