O responsable comarcal do BNG en Bergantiños, Xosé Regueira, cualificou de “auténtico fracaso” a xestión da Xunta de Galicia nos últimos meses con respecto a pandemia:”Non se aproveitou o tempo para planificar o que se viña enriba”.
Lembra que na comarca de Bergantiños, onde hai catro concellos con medidas restritivas “xa é unha loita histórica que as especialidades están mal cubertas” e “non se cubren as baixas do persoal facultativo dos PAC”, cunha atención primaria deficitaria.
“Coa excusa da Covid non se está facendo nada e precarízase a mala planificación sanitaria de Bergantiños” lamenta Regueira.Os nacionalistas recriminan a “falta de transparencia” por parte da Xunta, que non estaba achegando datos o que xeraba “unha desconfianza nos propios concellos”.
Entrevista a Regueira «Na Encrucillada» desde o minuto 43
Sobre este extremo aclarou:”Ate que Carballo entrou nesta fase, descoñecíamos absolutamente o número de casos que había no noso termo municipal”.
Xosé Regueira denuncia unha deixadez de funcións por parte do goberno galego:”Ou lle botan a culpa ao estado ou cargan a responsabilidade nos concellos”, recordando que “a Xunta ten competencias exclusivas en sanidade e educación”.
