O creador do Simulacro de Naufraxio de Laxe, Avelino Lema Santos, falecía esta fin de semana e os seus restos xa repousan no cemiterio parroquial.
Nos anos sesenta e froito da súa devoción á Virxe do Carme e en agradecemento por sobrevivir a tres naufraxios, promoveu unha representación, que importou de Perú, e que acabou sendo Festa de Interese Turístico de Galicia.
«Mentras existan os mariñeiros isto perdurará»
Xa é un símbolo e un atractivo nas festas do verán en Laxe. Pola crise sanitaria, este ano non houbo o simulacro. Avelino Lema tiña 87 anos. E puido gozar de 57 emocionantes simulacros na súa vila natal.
En declaracións recollidas pola web Turismo de Laxe, Lema lembraba que que o día do Naufraxio, 17 de agosto,”é o día máis grande do ano. Case todo o mundo ten conexión con algún mariñeiro ou familiar que lle morreu no mar e se recorda e se lle dá vida”.Tamén se amosaba convencido que “mentras existan os mariñeiros isto perdurará”.
Foto- Turismo de Laxe
