O deputado do BNG no parlamento estatal, Néstor Rego, mantivo un encontro cos patróns maiores das confrarías da Costa da Morte para expresarlle o seu apoio e dar conta das iniciativas do BNG no tocante ao centro de sanidade marítima local de Corcubión.
“É un servizo público que é preciso manter” declarou Rego, que tamén demandou que “o ISM sexa transferido a Galicia porque non ten ningún sentido que dependa do ministerio de Seguridade Social de Madrid”.
O deputado do BNG apoiou as “medidas de presión e mobilización” que se impulsen na Costa da Morte, e pediu que se cubra a baixa do médico para “previr de que sexa o preludio de que pechen o ISM de Corcubión”.
