A entidade ecoloxista ADEGA presentou unha denuncia na Xunta de Galicia por “unha agresión inxustificada” á lagoa de Traba, concello de Laxe.
“Maquinaria pesada abre unha gran canle na praia de Traba para desaugar a lagoa, causando unha importante alteración morfolóxica do areal, e sen atender ás consecuencias que esta drenaxe pode ter sobre a lagoa litoral nunha época de especial estrés hídrico” explican desde ADEGA.
Alertan dos “perxuízos” que pode ter esta actuación “sobre as dunas e a lagoa costeira, hábitats prioritarios para a UE, e nun espazo recoñecido como como zona de especial conservación (ZEC Costa da Morte) e zona de especial protección de aves (ZEPA Costa da Morte Norte)”.
A actuación foi desenvolvida polo concello de Laxe.
Fotos- ADEGA
