Cristina Pichel achegouse ao centro de turismo activo Naturmaz para supervisar a actividade
A directora xeral de Xuventude, Participación e Voluntariado, Cristina Pichel, achegouse esta mañá ao campamento da Xunta que se está a desenvolver en Mazaricos acompañada polo alcalde, Juan José Blanco. Deste xeito, puido intercambiar impresións coas rapazas e rapaces que están a participar nas actividades desde o 30 de agosto ata o vindeiro día seis.
No intre no que a directora chegou o grupo estaba a facer tirolina, unha das probas multiaventura que experimentarán no centro de turismo activo Naturmaz. O campamento tamén ten por obxectivo que se acheguen á aeronáutica dun xeito lúdico e a través de obradoiros formativos.
Nota de prensa – Concello de Mazaricos
