Este martes Radio Xallas inicia a súa nova tempada radiofónica, liderada polo programa “Na Encrucillada” que se volve a emitir, de luns a venres, entre as 11 e as 13h tanto no 107.5 da FM como a través de www.santacomba.es
Seguindo a costume da anterior tempada, Adiante Galicia tamén difundirá en directo as emisións de “Na Encrucillada” desde o banner insertado na portada do noso xornal. Tamén podes escoitar Radio Xallas desde aquí.
Xil Ríos, corenta anos de “Xirarei” e outras cuestións
Este primeiro programa contará con dous convidados moi especiais e dous referentes da música galega.
Por un lado o veterano e popular Xil Ríos, coñecido por cancións como “Rapaciña Bonita” ou “Xirarei”(que este ano cumpre catro décadas”.Xosé Manuel Lema repasará co intérprete de Moaña a súa traxectoria, falará dos seus novos temas e de distintos asuntos.
Belem Tajes, artista con raices na Costa da Morte
E tamén intervirá no programa a artista Belem Tajes, que continúa coa súa carreira en solitario despois de pertencer a grupos como Luar na Lubre, e doutros proxectos como Vudú ou Sister in the House.Belém Tajes, compositoria e especialista en musicoterapia, ten raíces na Costa da Morte. É de Arou-Camariñas.
Xunto con estas entrevistas, nesta primeira cita de Na Encrucillada non faltará a información comarcal, axenda socio-cultural e a habitual selección musical. Se queres contactar co programa hai un Whatsapp habilitado 693287749.
