Seguimos captando imaxes e promocionando recunchos con encanto nesta nosa bisbarra, a través da nosa canle de Youtube Adiante TV. Nesta ocasión os elexidos son dous o Cruceiro do Cirolán e a Fervenza de Santa Leocadia, no concello de Mazaricos.
“Nunca vimos turistas por Suevos” dixo unha rapaza que paseaba coa súa bicicleta polas inmediacións deste interesante cruceiro, construido no 1861 grazas á iniciativa de Ventura Pérez Lema. O cruceiro do Cirolán, situado en Suevos, parroquia de Coiro, representa o chamado “desencravo” de Cristo.
Sobre un capital cuadrangular, con cabezas de anxos e unha caveira, están Xosé de Arimatea, Nicodemo e un axudante que desencravan a Cristo, ante a presenza da Virxe María. Pola outra parte percíbese a San Boaventura. Esta estupenda obra atribúese ao escultor Francisco María Rodeiro Permuy.
Con respecto a Fervenza de Santa Leocadia (na parroquia de Chacín) e outros dos sitios que ver en Mazaricos, un fermoso espectáculo natural en forma de cadoiro, moi preto da ermida de Santa Leocadia, localizada á beira da estrada C9-4502 que vai do Pino do Val a Outes.
