O BNG de Camariñas denuncia “o caos en que se converteu o concello por unha nefasta planificación das obras en varias parroquias”.
Aclaran que eran actuacións necesarias, pero que moitas delas como as da ponte de Ponte do Porto ou a rúa Nova de Camelle “teñen retrasos acumulados considerables” e entenden que a súa execución durante o verán ocasionan “moitas complicacións no tráfico” tanto en Camelle coma na Ponte do Porto “deixando unha pésima imaxe de cara o turismo, sector que xa ven padecendo esta grave crise e que isto ven a crearlle máis dificultades ao sector da hostalaría e comercio do noso concello”.
Os nacionalistas denuncian que ademais “a sinalización e moi deficiente”, que chegaron a orixinar “algún que outro dano considerable a vehículos e tamén donos as persoas sufrindo caídas e golpes de diversa consideración”.
O BNG tamén pensa que “o propio desenvolvemento das mesmas deixa moito que desexar, causando danos ás propiedades nos lugares onde se están a executar as obras”.Aproveitan para reclamar outras melloras necesarias como a pista de Mourín que vai a Reira ou a de Lingunde.
Por outra banda, desde o BNG de Camariñas denuncian o mal estado dos parques infantís e das instalacións polideportivas, e citan o parque de Arou ou palco da música de Camelle.
