O candidato do PP nas últimas eleccións autonómicas, o carballés Rubén Lorenzo, opinou sobre a petición do BNG de Camariñas de cambiar o nome da Avenida Juan Carlos I.
Pensa que é oportunismo:”Dubido que o que máis lle importe aos camariñáns sexa isto. Está visto que o BNG está a facer en toda Galicia unha campaña propagandística a costa da marcha (non fuga) do Rei emérito de España. Se algún día existe unha condena en firme entendería este tipo de debates, polo momento, todo o que teña que ver con este tema é mera propaganda e oportunismo para saír nos medios”.
A través das redes sociais tamén bota en falta que non haxa esa contundencia á hora de reclamar os remanentes dos concellos:Onde está esa vehemencia para esixir que non se incauten os remanentes dos Concellos?. Pregunta Lorenzo.