O portavoz de Terra Galega de Coristanco, Amancio Lavandeira, xustificou o seu voto en contra dos orzamentos municipais porque son “antisociais” e “non serven para paliar os problemas que ten hoxendia Coristanco”.
Segundo Lavandeira “son orzamentos para saír do paso e cadrar cifras, un calco dos que se veñen prorrogando de 2018”. Critica ademais que “hai moitas partidas que non están debidamente dotadas e un montón de obras que non aparecen nos orzamentos”.
Lembrou que Terra Galega propuxo destinar preto de 500.000 euros “para reactivar a economía e axudar a autonómos, agricultores e ás familias con excasos recursos”. Lamentou que das once propostas lanzadas polo seu grupo o PP non aceptara ningunha.
Asimesmo, Amancio Lavandeira cualificou de sorprendente a abstención do PSOE e BNG, o que permitiu que se aprobaran as contas neste concello:”O normal e que non haxa esa facilidade entre o PP e o PSOE e o BNG”.
Outro reproche da segunda forza da corporación é o apoio da Xunta.”Non sei para que estivo saíndo en medios de comunicaciçón anunciando grandes cantidades e a realidade é cero patatero”.