10.1 C
Santa Comba
miércoles, marzo 20, 2024

A Dorna Rosaliana atracou na Ponte do Porto

O presidente da fundación Rosalía de Castro, Anxo Angueira, quixo lembrar o importante pasado de navegación histórica da ría de Camariñas remontando o río do Porto e chegando aos malecóns de Ponte do Porto coa súa dorna a vela Rosiña esta fin de semana. Angueira pasou unha velada nesta localidade onde embarcaban os romeiros en ruta a festa da Barca de Muxía.

Foi así «unha homenaxe a Rosalía de Castro e a súa estadía en Muxía no 1853 e aos vellos camiños de peregrinación que chegaban de Bergantiños e Soneira a Ponte do Porto» indica Angueira que foi recibido polo tamén escritor e poeta Rafael Lema quen lle amosou fotos do arquivo da asociación PX que corroboran a importancia da vila como lugar de embarque de mercancías e viaxeiros no século pasado. E desde a Idade Media, co referente da súa ponte medieval a carón da que atracou o navegante de Dodro.

O filólogo, escritor e patrón da dorna, embarcación tradicional tamén usada nesta ría ou en Camelle, tras esta primeira experiencia pola canle porteña quere seguir promocionado as viaxes a vela remontando a ría de Camariñas, amosando a beleza do recorrido e a historia da ruta.

Recreou así aqueles versos de Rosalía de Castro, cando falaba das «lanchas tan ben portadas / con aparellos de festa» que chegaban cheas de xente á romaría da Barca de Muxía, e que foron retratadas na xunqueira de Ponte do Porto fai cento vinte anos polo estudio dos irmáns Lumiere. o navegante e poeta levou o mes pasado a súa dorna «Roxiña» ata a illa Lobeira de Corcubión. Fai tres anos remontaba con ela o Anllóns ata a casa de Pondal

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img
spot_img
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,220SuscriptoresSuscribirte

Últimos artigos