Entrevista de Lois García (A partir do minuto 32)
Lois García Carballido enviou unha mensaxe aos concelleiros do PSOE que se uniron a APIN e PP na moción deste pasado pleno:””Antes de votar contra o meu líder nun pleno, eu dimitiría.Non me traizoaron a min, están traizoando a todas as persoas que apoiaron o noso proxecto”.
O alcalde de Ponteceso afirmou:”Dez concelleiros botaron ao alcalde fora do concello e o mandaron para o instituto”. E focalizou nos seus compañeiros:”Cinco concelleiros do goberno apoiaron a moción de APIN para un alcalde deixe de ter adicación, pero este proxecto socialista ambicioso seguirá. Os veciños valoraron moi ben o noso esforzo”.
«Non me van a fastidiar. Vou a seguir tres anos sen cobrar»
Cualifica o acontecido de “falcatruada” pero anuncia que non tira a toalla:”Non me van a fastidiar. Vou a seguir tres anos sen cobrar, traballando por este pobo”. Pregúntase:”É positivo que o alcalde non estea no concello?”. E advirte:”Todos temos responsabilidade no que votamos”.
Está convencido de que conta cun grande apoio social:“A xente non o pode creer, está coa boca aberta. Considéronme apoiado polos veciños e polo PSOE”.
De todos os xeitos pensa que os concelleiros terán que apoiar as propostas que sexa positivas para Ponteceso e amosouse “moi optimista” de cara o futuro:”Hai que meter no bolsillo os nosos egos, manías e vinganzas e traballar polo concello”.
