Entrevista a Carlos Fernández Concheiro- Desde o minuto 85
En Muxía, o BNG ten un concelleiro que asiste desde a grada política as pelexas internas do PSOE e á posibilidade dunha moción de censura na que o PP tería un papel relevante.
A Carlos Fernández Concheiro “sorpréndelle” que “concelleiros da mesma forza política(PSOE) se acusen entre eles”. Catro deles xa están no grupo dos non adscritos.
A este grupo e máis ao PP, Concheiro pídelles que fagan pública “a súa folla de ruta e digan o que van a facer, se un bloqueo sistemático ou unha moción de censura. Que teñan valentía e que o fagan”.
O BNG en contra da moción de censura
Pensa que o camiño é a moción de censura aínda que “nós estamos en contra”. O concelleiro percibe “falta de xestión” no goberno de Iago Toba pero “non é razón suficiente para todo o que está pasando”.
Opina que os orzamentos de Muxía “teñen moitas eivas pero foron aprobados por unha ampla maioría” e que a alegación presentada polo PP “non ten ningún sentido”.
Ao portavoz do BNG resúltalle “estraño” que Iago Toba “descubra que había supostos tratos de favor a empresarios” e pensa que “é imposible” a reconciliación entre o goberno e os non adscritos.
