Distintos puntos da zona seguen entrando no «clube» dos espazos agredidos pola acción de persoas incívicas.
Nesta ocasión, desde o concello de Laxe, deron conta de actos vandálicos no Monte da Ínsua “un lugar de espallamento para achegarnos a unha natureza singular cunhas vistas abraiantes sobre a Costa da Morte e o océano Atlántico”.
O mobiliario público sufriu accións incomprensibles como se poden observar nas fotografías difundidas desde o propio consistorio.
As autoridades municipais lembran que “levamos feito moitos esforzos en converter este lugar nun verdadeiro xardín, un balcón natural sobre o Océano Atlántico que é de todos e para todos”.
E non ocultan o seu malestar porque esta paraxe sexa un “ lugar ideal para que vándalos e incívicos sen máis mínimo respecto polo esforzo de moita xente dean roda libre aos seus máis noxentos instintos”.
