O presidente da Deputación, Valentín González Formoso, visitou a localidade de Muxía onde mantivo un encontro cos alcaldes de Camariñas, Sandra Insua; Cee, Margarita Lamela; Corcubión, Lalo Insua; Dumbría, José Manuel Pequeño; Fisterra, José Marcote; Vimianzo, Mónica Rodríguez; Zas, Manuel Muíño; Carnota, Juan Manuel Saborido e Malpica, Walter Pardo.
Neste encontro asegurou que estimular a creación emprego, axudar a reactivar a economía e reforzar os servizos sociais municipais serán as «prioridades absolutas» dos investimentos da Deputación da Coruña tras a Covid19.
A labor dos alcaldes e alcaldesas
O presidente destacou «a labor do mundo municipal, que estivo á altura das circunstancias con alcaldes e alcaldesas coma Iago Toba, que estiveron a carón dos seus veciños afrontando momentos complicados, asumindo competencias propias e impropias para garantir o correcto funcionamento dos servizos públicos durante a pandemia», así como a de numerosos colectivos coma camioneiros, sanitarios, protección civil ou traballadores dos supermercados «aos que hai que recoñecerlles o seu esforzo e non olvidalo», pois tiveron «un papel fundamental» para que o país seguira funcionando.
«Ante unha situación insólita como a que vivimos a única prioridade de todos os alcaldes e alcaldesas da Costa da Morte foi atender á xente, as súas necesidades» declarou o alcalde de Muxía, Iago Toba, salientando o importante papel que tivo e que vai a ter a Deputación na reconstrucción da normalidade nos nosos municipios».
Neste sentido, o presidente da Deputación da Coruña explicou que, tras un proceso de restruturación a fondo dos orzamentos de 2020 para adaptalos á realidade poscovid, o seu goberno terá a reactivación económica e a potenciación dos servizos sociais como principais prioridades.
Formoso afirmou que no pleno do pasado venres, a Deputación aprobouse por unanimidade consignar unha partida de 10 millóns de euros para financiar, ao abeiro do PEL, un novo plan especial de reactivación destinado a apoiar aos autónomos e microempresas máis afectadas pola crise da Covid19, tamén nos municipios da Costa da Morte.Cifrou en cinco millóns de euros as achegas da Deputación a través de distintos plans.