O sindicato CIG- Saúde denuncia á falta de espazo para a atención de pacientes no PAC de Cee e piden unha solución ao respecto.
Como lembra a responsable comarcal de CIG-Saúde, Lucía Peón, coa pandemia sanitaria “fíxose necesaria a distribución dun dobre circuíto de entrada nas urxencias hospitalarias do Hospital Virxe da Xunqueira”.
Isto incidiu no espazo que había para o PAC ceense.»Esta situación provoca que as/os pacientes sexan atendidas/os en espazos non axeitados, onde mesmo hai dificultades para a entrada e saída de padiolas e incluso dificultades co tránsito de cadeiras de rodas» sinalou Peón.
Desde CIG-Saúde tamén queren que se aclaren as “contradicións” entre as mensaxes da Xunta e do concello de Cee.
Indican que a Xerencia da Coruña comunicou a intención de trasladar o PAC ao Centro de Saúde, mentras que a alcaldesa Margarita Lamela afirmou “que haberá obras no centro de saúde encamiñadas a arranxar a fachada e o pavimento, pero en ningún caso fala de modificacións arquitectónicas que adecúen o espazo para o PAC. É máis, afirma que o PAC vai habilitarse no Hospital, cando xa está descartado pola Xerencia da área sanitaria da Coruña-Cee» indicou Lucía Peón..
