O portavoz do Partido Popular de Zas, David Gómez, asegurou que este primeiro ano de lexislatura “foi de moi pouca actividade” seguindo “coa mesma tónica” dos primeiros anos de mandato de Manuel Muíño “que soe despistarse un pouco”.
Gómez informa que “hai preto de 800.000 euros que non se gastaron e pasan a remanente”, polo que lle parece “unha auténtica burrada” que queden fondos sen executarse orzamentariamente.Entre outros asuntos engade que “seguimos agardando polo Tanatorio de Zas e a praza de Baio”.
Escoita a entrevista con David Gómez(Desde o minuto 59)
Lealdade do Partido Popular de Zas
Sobre a crise sanitaria destacou a “lealdade exemplar” do grupo popular nestes meses, aínda que criticou que durante este ano non se celebrou ningún pleno ordinario “nin se contou con nós para nada”.
David Gómez apoia o plan de axuda aos autónomos. Lamentou que a xestión ía cun pouco de retraso.”Esperemos que afecte a tódolos autónomos de Zas. Hai cartos e os cartos están para axudar á xente cando o necesita”.
