A candidata do BNG, Ana Pontón, propuxo a mobilización de 100.000 hectáreas de terras abandonadas “para poñelas a producir en usos agrarios” durante a vindeira década.
Nunha visita a unha explotación gandeira do concello de Mazaricos, a portavoz nacionalista afirmou que “Galiza precisa dun goberno do BNG que aposta polo medio rural e o seu desenvolvemento social e conómico”.
Incidiu ademais en que os gobernos teñen que vixiar que non se pague o leite por debaixo dos custes da producción. Avogou por impulsar un plan de desenvolvemento rural e “pola incorporación de xente nova ao sector agrario e facilitar o acceso das mulleres á titularidade das explotacións agrarias”.Acompañaron a Pontón, o cabeza de lista pola provincia da Coruña, Xosé Luís Rivas e o alcalde de Mazaricos, Juan Blanco.
Dependencia dos insumos esóxenos
O candidato do BNG pola provincia da Coruña, Xosé Luís Rivas insistiu en que é necesario correxir a dependencia dos insumos esóxenos, ( millo, cevada, solla…) cos que se fabrican os pensos concentrados para o vacún de leite ademáis do porcino e avícola.
Para o candidato resulta imprescindible dotar as explotacións de base territorial pero tamén “afondar sobre nun modelo de producción agrogandeira con tendencia ó extensivo e sostenibilidade”.
