O alcalde de Dumbría reflexionou no programa “Na Encrucillada” sobre o presente e o futuro do turismo na Costa da Morte.
Coincide no chamamento á unidade lanzado desde as asociacións turísticas pero pensa que non é o único cabalo de batalla:”Hai que ter imaxinación e saber realmente o que se quere. Sempre estamos coa unidade e ó mellor o problema é que queremos ir a algún sitio pero non sabemos que tipo de vehículo coller. E o final non saímos do sitio.Temos tantos camiños e tantos vehículos que non sabemos cal coller e estamos sempre parados”.
“Os concellos sempre estamos aí permanentemente”
José Manuel Pequeño tamén defendeu papel dos concellos que a pesar de que “o turismo non é competencia dos concellos” pero “somos os que sempre estamos aí permanentemente” e os que asumen o peso da promoción turística.
Escoita a entrevista completa en Radio Xallas. A partir do minuto 73
Pensa que é importante ter unha folla de ruta:”Temos tanto que non somos capaces de centrarnos”. E puxo como exemplo o caso do seu concello.”Nos apostamos polo Camiño como motor dinamizador” suliñou Pequeño, e incardinado nesa ruta está o Vákner con todo o seu potencial. Sen esquecer a Cascada do Ézaro e as grandes citas ciclistas (Gran Fondo Ézaro) e a etapa de La Vuelta que se celebrará en novembro.
O veterano alcalde de Dumbría pensa que “chiringuitos temos dabondos” e defende a idea de cooperar.