E se fai uns días era o alcalde de Ponteceso, Lois García Carballido, o que facía balance no programa “Na Encrucillada”, este venres era a quenda do Partido Popular.
Escoita a entrevista desde o minuto 93
O seu portavoz non esqueceu que “foi un ano marcado pola intoxicación de 600 personas en Corme e o alcalde aínda non dou unha explicación pero todo o mundo sabe que a responsabilidade é do concello”.
“O Sr. Carballido é un rodillo” dixo Daniel García Cotelo, que destacou que só aceptara unha moción do PP, que propoñía unha serie de axudas para autónomos e comerciantes.
”O alcalde de Ponteceso só se dedica a vender fume, anda a bandazos” asegurou García, que resumiu todo con dúas expresións:”O alcalde de Ponteceso vai cos da feira e vén cos do gando” e “O que nos espera é pan e circo”.
Rexeitou as críticas da Carballido contra a Xunta de Galicia, asegurando que “A Xunta está investindo no concello de Ponteceso”, se ben lamentou que o rexedor “non teña capacidade” de diálogo.”Desde o PP de Ponteceso non temos problema en botarlle unha man”.
García Cotelo puxo como exemplo, os investimentos que está realizando o goberno autonómico en concellos que non son do PP:”Igual o problema o ten el e non os demais”.
Desde o PP non se amosan moi esperanzados con respecto ao avance da lexislatura e referíronse ao cese de Faustino Santiago “un concelleiro que estaba traballando moito en situacións complicadas”.
Tamén mencionaron os rumores que hai “sobre discrepancias dentro do goberno e unha crise grande”, e pensan que o problema é o talante do mandatario:”Se segue pensando que segue sendo El Rey, el mesmo se afogará nas súas decisións”.
