AUDIO -Entrevista a Jesús Picallo a partir del minuto 61
O presidente da asociación “Solpor” agarda que os meses de “xullo, agosto, setembro e incluso outubro” sexan dunha boa afluencia turística na Costa da Morte, xa que “somos un destino seguro, sostible e de saúde”.
“Hai moitas chamadas de turoperadores”
Pensa que “o que antes era unha debilidade agora pode ser unha fortaleza. A xente agora valora un trozo de finca , de horta” e as zonas rurais son un atractivo. Asegura que “hai moitas chamadas de turoperadores”, nun territorio que destaca pola súa gastronomía, polas súas paisaxes e por ofertar “un turismo barato” e ter “a marca do Camiño de Santiago”.
“Van a ser meses moi bos se non se recupera o COVID”
“Van a ser meses moi bos se non se recupera o COVID”, asegura Jesús Picallo que reflexiona sobre a pandemia:”Foi unha volta atrás, empezar case de cero. Unha situación que nunca se viviu, Parouse todo”.
Agora é o momento da recuperación lenta e progresiva e onde a responsabilidade será fudamental, aplicando as medidas de seguridade sanitaria e “adaptarnos a unha nova forma de traballar”.
Sobre a Costa da Morte como destino turístico pensa que é inevitable camiñar xuntos:”O sector do turismo da Costa da Morte ten que unirse”. E puxo como exemplo o funcionamento do Clúster de Turismo de Galicia.A maneira de funcionar e creando un consello que agrupe a tódalas asociacións que hai na zona, cunha asistencia técnica.
Picallo:“Crecen os territorios que están comunicados”
“Crecen os territorios que están comunicados” apunta Picallo, consciente que “Unha Vía Rápida con Santiago é máis que necesaria, e tamén que a autovía chegue a Berdoias”. O presidente de Solpor non obviu a repercusión que pode ter o Parador da Costa da Morte:”O Parador vai a marcar un destino importante en toda a comarca”.
Jesús Picallo, como empresario, xestiona o establecemento “O Semáforo”, ubicado na contorna co Cabo Fisterra e está traballando nun proxecto de dinamización do Faro de Lariño, en Carnota. Xa ten a autorización para o seu uso con aloxamento turístico por parte do Goberno do Estado.
