10.5 C
Santa Comba
domingo, noviembre 27, 2022

O concello de Santa Comba pide información á Xunta para poder organizar campamentos e actividades de conciliación

Publicamos a nota de prensa remitida desde a alcaldía do concello de Santa Comba.

Precisamos protocolos de actuación, ratios a cumprir e outros datos de interese, para poder organizar e levar a cabo campamentos-programas de conciliación laboral e familiar.

En relación coa situación creada pola crise global do COVID-19 e trala declaración do Estado de alarma por parte do goberno central o 14 de marzo, foi anulada toda práctica deportiva. Actualmente aínda existen normas estritas para a súa normalización, descoñecendo en qué data é posible iniciar a práctica deportiva, campamentos de verán e programas concilia para menores de idade.

Neste senso vimos de manter unha reunión os rexidores dun grupo de Concellos da comarca Xallas-Costa da Morte tales como Santa Comba, A Baña, Zas, Mazaricos, Negreira, Val do Dubra, Vimianzo e Camariñas.

Logo de analizar a situación na que nos atopamos as administracions locais e vista a publicación do Ministerio de Sanidade da Orde SND/458/2020 de 30 de maio, publicada no BOE do 30 de maio, na que non se establecen protocolos de actuacións e remiten a competencia á Comunidade Autónoma respectiva.

SOLICITAREMOS á Xunta de Galicia que nos proporcionen información de se se van a poder realizar programas de conciliación laboral e familiar así como campamentos deportivos e/ou culturais,  data para poder iniciar os mesmos, protocolos de actuacións a seguir, ratios a cumprir, tratamento dos nenos e nenas con necesidades especiais e outros datos de interese; coa finalidade de poder organizar os programas de conciliacion laboral e familiar coas máximas medidas de seguridade e evitar todos os ricos que sexan posibles.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,791SeguidoresSeguir
505SuscriptoresSuscribirte

Últimos artigos