Así o acordaron os portavoces dos catro grupos, Antonio Domínguez(PP),Ramón Vigo(IxCee), Serxio Domínguez(BNG) e Juan Hermida(Ciudadanos). Despois das críticas lanzadas desde a oposición coa correspondente resposta da alcaldesa Margarita Lamela Louzán e do PSOE, a oposición move ficha trasladando este asunto ao salón de plenos. Con anterioridade reclamaban a paralización da compra das máquinas de ozono e de auga ionizada. Agora solicitaron un pleno.
“A alcaldesa esquece que goberna cunha minoría importante”
A mensaxe dos catro portavoces é clara:“tivemos coñecemento polos medios de comunicación, da adquisición dos aparatos de desinfeción para loita contra o Covid-19. Consideramos que habendo unha comisión, con representación de todos os grupos da oposición, que non foi convocada para informar e/ou concordar a idoneidade das compras, faise imprecindible que a alcaldesa dea as explica oportunas, así como que escoite as nosas aportacións para loitar contra a pandemia”.
Ademais sinalan que “ a alcaldesa esquece que goberna cunha minoría importante, con catro de trece concelleiros/as, polo que o diálogo debería ser a tónica dominante, mais non o está sendo. Isto obríganos a convocar este pleno para poder exercer un dereito que se nos está usurpando, o de opinar e de ser escoitados”.
Foto- Concelleiros da oposición do BNG e do PP
