O Concello de Mazaricos vén de realizar test do coronavirus ás traballadoras do Servizo de Axuda ao Domicilio (SAF) e ao funcionariado que estivo máis exposto ao público durante este período. Segundo informan desde o consistorio os resultados foron negativos.
A concelleira encargada de coordinar estas tarefas, Sandra Alvite afirmou que “a medida volverá desenvolverse en caso de que haxa un rebrote, xa que cremos que a seguridade é o primeiro”.
Dispensadores con xel hidroalcólico
O concello repartiu nos establecementos dispensadores con xel hidroalcólico e carteis coa normativa de distanciamento social e tamén adhesivos de sinalización para o chan. Unha decisión que se adoptou despois de varias xuntanzas telemáticas co sector da hostalería.Ademais a partir deste luns, 1 de xuño, iniciarase o reparto de máscaras infantís para os nenos e nenas do Concello.
