O goberno local de Muxía reactivou o proxecto de reconstrucción do Altar Maior do Santuario da Virxe da Barca. Así o anunciou o alcalde, Iago Toba, despois das xuntanzas que mantivo co párroco Manuel Liñeiro e co xefe de Protección Civil, Ramón Pérez Barrientos.
Desde o concello xa se puxeron mans á obra para recuperar un proxecto que levaba anos parado.O obxectivo é encaixar tódalas pezas para que o retablo se rehabilite e poida lucir para as festas da Barca do ano 2021.O encargado de facer realidade esta idea será Julián del Olmo Lara, do obradoiro de arte relixiosa Del Olmo.
O alcalde destaca o alto significado da actuación
O alcalde, Iago Toba, destacou que “supón un paso moi importante retomar contactos para poder acadar o noso obxectivo. Para Muxía ten moitísimo valor e un alto significado cultural, social e emotivo, todo o relativo á Virxe da Barca. A nosa vontade é que este santuario volva lucir como no pasado, e comezaremos os movementos para que así sexa. Temos que estudar as alternativas que sexan máis viables, e doulle as grazas tanto ao párroco, Manuel Liñeiro, como a todos os voluntarios de Protección Civil”, sinala o rexedor.
