Unha persoa resultou ferida de consideración esta mañá en Santa Comba ao caer a un patio de luces dun edificio da rúa Miraflores.
Debido á gravidade das feridas da persoa, Urxencias Sanitarias de Galicia-061 mobilizou ata unha zona próxima ao lugar dos feitos o helicóptero medicalizado con base en Santiago de Compostela, no que foi trasladada ao Complexo Hospitalario Universitario da Coruña.
Nada máis ter coñecemento do ocorrido a través do servizo sanitario, o persoal do CIAE 112 Galicia pasou o aviso á Policía Local e ao Servizo Municipal de Protección Civil, que apoiaron aos efectivos médicos durante a evacuación da persoa precipitada
Info-AXEGA 112
