O Bloque Nacionalista Galego de Camariñas denunciou o reparto de mascarillas por parte de membros do goberno local do PSOE:”Estamos nun estado de alarma, co virus agardando ao relaxamento da poboación para volver a ameazar a nosa saúde,non en campaña electoral, temos corpos de seguridade, Protección Civil, etc suficientes para repartir mascarillas, non fai falta que as concelleiras e concelleiros as vaian repartindo por aí adiante”.
«Que prediquen co exemplo, que queden nas súas casas»
Para os nacionalistas este “non é un bo exemplo” e polo tanto piden aos concelleiros do goberno municipal “que prediquen co exemplo, queden nas súas casas e se dediquen a preparar medidas de cara a afrontar a dura crise que se nos aveciña para o cal poden contar co BNG”.
Desde o BNG de Camariñas agradecen “o esforzo de todos os cidadáns que seguen as normas e manteñen o confinamento como así esta decretado e agradecer tamén a todas e todos os traballadores e traballadoras que arriscan cada dia a súa saúde para axudarnos a todos e todas”.
