Unha máquina nebulizadora comezaba as súas tarefas no concello de Muxía. É , segundo fontes municipais, a primeira destas características en toda a Costa da Morte. Este aparello permitirá maximizar a desinfección e optimizar as condicións hixiénicas nos espazos destinados ao seu uso.
Iago Toba:»É un salto moi grande na loita contra o coronavirus»
Xunto con esta máquina nebulizadora o concello adquiriu tamén unha máquina hidrolimpadora portátil e unha de desinfección en ozono, específica para espazos interiores e vehículos. Iniciaron a súa «andaina» coa desinfección de espazos de importante concorrencia de Muxía e coa limpeza de colectores. E agora estarán operativas noutros puntos do territorio.
“Estes aparellos empregan unha tecnoloxía moi novedosa e permitirannos dúas cousas: facilitar o traballo dos nosos operarios municipais, que están a traballar arreo durante todo o estado de alarma, e chegar ata onde antes non podíamos. É un salto moi grande na loita contra o coronavirus, e así seguiremos para que isto remate o antes posible” manifestou o alcalde de Muxía, Iago Toba.