A Policía Local investiga uns feitos, que son especialmente graves ao terse realizado durante o estado de alarma.
O tramo do paseo marítimo de Caión que comunica a praza Eduardo Vila Fano co aparcamento da praia, xunto á entrada principal ao areal, foi obxecto dun acto vandálico nas últimas horas que supuxo o destrozo de todas as balizas -unhas trinta e cinco- do alumeado público.
A Policía Local iniciou unha investigación para tratar de dar coa persoa (ou persoas) responsable destes feitos, que son especialmente graves ao significar, ademais, o incumprimento das medidas de confinamento durante o estado de alarma decretadas polo Goberno.
O Concello da Laracha estima nuns 15.000 euros os gastos que suporá a reposición dos equipos danados.
Fonte-Concello da Laracha