10.3 C
Santa Comba
domingo, diciembre 4, 2022

O concello de Muxía traballa para garantir a cobertura en emerxencia social no caso da dilatación do estado de alarma

NOTA DE PRENSA DO CONCELLO DE MUXIA

O Concello de Muxía incrementará as axudas en emerxencia social para garantir a defensa dos colectivos máis vulnerables no caso de dilatarse o estado de alarma. Así o garante Iago Toba, alcalde de Muxía, quen comenta que “estamos en todo momento falando con intervención, e en casos de extrema emerxencia como o que vivimos non existe límite na consignación orzamentaria.”

Isto traducirase, en todo caso, á cobertura a todos os niveis para que “as nosas veciñas e veciños estean protexidas ante a crise sanitaria que estamos a vivir”, comenta o rexedor. 

Desde o consistorio trabállase a diario e sempre adaptándose ao contexto, pero iso non impide que se estean a tomar medidas pensando no futuro, máis concretamente nunha hipotética situación do aumento do período de alerta. Esta mañá tivo lugar unha reunión para a coordinación dos servizos municipais no caso de que este estado de alarma se extenda no tempo, entre o alcalde de Muxía, Iago Toba; o coordinador de Protección Civil, Ramón Barrientos; a Policía Local con Alejandro Muíño á cabeza e varios representantes da agrupación muxiá.

Polo tanto, servizos como a atención psicolóxica, de asesoramento a nivel administrativo ou de reparto de produtos de primeira necesidade estarían cubertos no caso de dilatarse no tempo esta situación extraordinaria. 

O alcalde de Muxía, Iago Toba, avisa de que “imos seguir traballando polo benestar da nosa veciñanza. Estamos a facer un gran esforzo, a todos os niveis, porque é a nosa responsabilidade. Ninguén vai quedar descuberto, aínda no caso de que esta situación se extenda no tempo”, di o rexedor. 

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,790SeguidoresSeguir
509SuscriptoresSuscribirte

Últimos artigos